Өндірістік қызмет департаментінің сараптама бойынша маманы бос орын лауазымына орналастыру конкурсын өткізу туралы хабарландыру

Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы республикалық мемлекеттік кәсіпорыны (бұдан әрі – Кәсіпорын) Өндірістік қызмет департаментінің сараптама бойынша маманының (бактериолог) бос орын лауазымына орналастыруға конкурс жариялайды.

Кәсіпорын қызметінің міндеті денсаулық сақтау аумағындағы қызметті іске асыру болып табылады.

Кәсіпорын қызметінің мақсаты халықтың санитарлық-эпидемиологиялық саулығын қамтамасыз ету болып табылады.

Біліктілік талаптары:

Кәсіпорынның Өндірістік қызмет департаментінің сараптама бойынша маманының бос орын лауазымына орналастыру конкурсына "Денсаулық сақтау" (гигиена және эпидемиология/ медициналық-профилактикалық іс/ Қоғамдық денсаулық сақтау/ қоғамдық денсаулық сақтау) немесе "Жаратылыстану ғылымдары, математика және статистика" (химия, биология) даярлау бағыты бойынша жоғары білімі және Денсаулық сақтау саласында кемінде 2 (екі) жыл жұмыс өтілі бар Қазақстан Республикасының азаматтары қатыса алады.

Қызметтік міндеттері:

1) бактериялық инфекциялар бойынша зертханалық зерттеулер жүргізуді бақылау бөлігінде өндірістік процеске қатысты функцияларды уақтылы және сапалы орындау;

2) құзыреті шеңберінде кәсіпорын филиалдарына бактериялық инфекциялар мәселелері бойынша әдістемелік және практикалық көмек көрсету;

3) зертханалық зерттеулер бөлігінде инфекциялық, паразиттік, бактериялық инфекциялардың және халықтың улануының себептері мен жағдайларын тергеуге қатысу;

4) мемлекеттік тапсырыс шеңберінде бактериялық инфекциялар бойынша зертханалық қызметтер бөлігінде кәсіпорын филиалдарының бекітілген жоспарларының жиынтығы;

5) бактериялық инфекциялар жөніндегі зертханалар бөлігінде зертханалық зерттеулер жүргізу жөніндегі қызметтер тарификаторының бекітілген жоспарларына сәйкес даму жоспарын қалыптастыруға қатысу, мемлекеттік тапсырысты және ақылы қызметтерді орындау үшін реагенттер мен шығыс материалдарының қажетті санын келісу

6) бактериялық инфекциялар бойынша зертханалық қызметтердің мемлекеттік тапсырысының орындалуына ай сайынғы мониторинг жүргізу;

7) ЕКПО порталын жүргізу (қызметтер тарификаторы);

8) Департамент құзыреті шеңберінде мемлекеттік органдармен, республикалық және халықаралық ғылыми орталықтармен және мекемелермен өзара іс-қимыл жасау.

9) рұқсат беру құжаттарының (лицензияның, рұқсаттың) алынуын бақылау;

10) өндірістік қызмет бойынша Кәсіпорынның құжаттарын дайындау;

11) Департаменттің құзыретіне кіретін Кәсіпорынның жылдық, перспективалық және ағымдағы жоспарларын әзірлеуге қатысу;

12) Департаменттің құзыретіне кіретін бактериялық инфекциялар бойынша есепті деректер жиынтығы;

13) Департаменттің міндеттері мен функцияларына, кәсіпорын басшылығының тапсырмаларына сәйкес өзге де міндеттерді орындау.

Конкурсқа қатысуға тілек білдірген азамат келесі құжаттарды қолма қол немесе курьерлік пошта арқылы ұсынуы қажет:

1) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 1-қосымшасына сәйкес нысан бойынша өтініш;

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке парақ (нақты тұрғылықты мекен-жайы мен байланыс телефондары көрсетілген);

4) лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) сыбайлас жемқорлық қылмыс жасау бойынша мәліметтердің бар-жоғы туралы анықтама (egov арқылы беріледі);

7) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 2-қосымшасына сәйкес нысан бойынша түйіндеме.

Көрсетілген құжаттардың біреуі болмаса конкурсқа жіберуден бас тартуға негіз болып табылады. Құжаттарды курьерлік пошта арқылы алған жағдайда, олар қайтарылуға жатпайды.

Конкурсқа қатысушы өзінің біліміне қатысты қосымша ақпаратты, лауазымға қойылатын біліктілік талаптарына сәйкес жұмыс тәжірибесін растайтын құжаттарды, кәсіби деңгейін (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, алдыңғы жұмыс орнының басшылығынан ұсынымдар және т.б.) ұсынады.

Конкурс келесі кезеңдерден тұрады:

1) біліктілік бағасы;

2) тестілеу;

3) сұхбаттасу өткізу;

4) конкурс қорытындысын шығару.

Конкурсты өткізу тәртібі Кәсіпорынның Басқармасының сырттай отырысының 2023 жылғы 21 қыркүйектегі № 55 шешімімен бекітілген Кәсіпорын жұмыскерлерінің бос орын лауазымдарын конкурстық орналастыру ережелерімен (Кәсіпорын сайтында орналастырылған) реттеледі.

Құжаттарды қабылдау жұмыс күндері сағат 8.00-ден 13.00-ге дейін және 14.30-дан 17.30-ге дейін мына мекен-жай бойынша жүргізіледі: Астана қаласы, Достық көшесі, 18 үй, Москва БО, 8 қабат, 2 кабинет.

Құжаттарды қабылдаудың аяқталуы: 2025 жылғы 4 тамыз сағат 17.00.

Анықтама телефоны: 8(7172) 554903.