ҚР ДСМ СЭБК "Ұлттық сараптама орталығы" ШЖҚ РМК Қызылорда облысы бойынша филиалының заңгері бос лауазымына орналасуға конкурс өткізу туралы хабарландыру

Қазақстан Республикасы Денсаулық сақтау министрлігі Санитариялық -эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы республикалық мемлекеттік кәсіпорынның Қызылорда облысы бойынша филиалы (бұдан әрі - Филиал) Құқықтық, кадрлық жұмыс және мемлекеттік сатып алу секторының заңгері бос лауазымына орналастыруға конкурс жариялайды.

Филиал қызметінің мәні денсаулық сақтау саласындағы қызметті жүзеге асыру болып табылады.

Филиал қызметінің мақсаты - халықтың санитариялық-эпидемиологиялық салауаттылығын қамтамасыз ету.

Біліктілік талаптары:

Заңгер бос лауазымына орналастыруға арналған конкурсына жоғары кәсіптік (заңгерлік) білімі және мамандығы бойынша 1 (бір) жылдан кем емес жұмыс өтілі бар Қазақстан Республикасының азаматтары қатыса алады.

Лауазымдық міндеттері:

1. Құқықтық құжаттарды әзірлейді немесе әзірлеуге қатысады;

2. Филиал басшылығы, зертхана басшылары (меңгерушілері), бөлім бастықтары дайындайтын бұйрықтардың, нұсқаулықтардың, ережелердің және басқа да құқықтық сипаттағы актілердің жобаларын құқықтық бағалауды жүзеге асырады, оларға бұрыштама қояды, сондай-ақ қажетті жағдайларда осы құжаттарды дайындауға қатысады;

3. Филиалдағы құқықтық жұмыстарға әдістемелік басшылықты жүзеге асырады, құрылымдық бөлімшелерге әртүрлі құқықтық құжаттарды дайындау мен рәсімдеуде құқықтық көмек көрсетеді, талаптарды қабылдамау кезінде негізделген жауаптар дайындауға қатысады.

4. Шарттық, қаржылық және еңбек тәртібін нығайту, Филиал мүлкінің сақталуын қамтамасыз ету жөніндегі іс-шараларды әзірлеуге және жүзеге асыруға қатысады.

5. Анықталған кемшіліктерді жою және Филиалдың шаруашылық-қаржылық қызметін жақсарту туралы ұсыныстарды әзірлеу мақсатында талаптарды, сот және төрелік істерді қарау нәтижелерін, шарттарды жасасу және орындау практикасын зерделеуді, талдауды және қорытуды жүргізеді.

6. Мемлекеттік сатып алу туралы шарттар мен қызметтер көрсетуге арналған шарттар жасасу, олардың құқықтық сараптамасын жүргізу жөніндегі жұмысқа қатысады, сондай-ақ дебиторлық және кредиторлық берешектер туралы мәселелерді қарайды

7. Құрылымдық бөлімшелердің шағымдар мен талаптарға жауаптарды дайындау, сотқа талап-арыздарды дайындау үшін анықтамаларды, есептеулерді, түсініктемелерді және басқа материалдарды уақтылы ұсынуын бақылайды.

8. Басқа бөлімшелермен бірлесіп Филиалда шығарылған қолданыстағы бұйрықтарды және басқа да нормативтік актілерді өзгерту немесе күшін жою туралы ұсыныстар дайындайды.

9. Филиал қызметінде туындайтын құқықтық мәселелер, нормативтік актілердің жобалары бойынша қатысады.

10. Филиал қызметкерлерін қолданыстағы заңнама және ондағы өзгерістер туралы хабардар етуді, Филиал лауазымды тұлғаларын олардың қызметіне қатысты нормативтік құқықтық актілермен таныстыруды жүзеге асырады.

11. Филиал қызметкерлеріне құқықтық және басқа да құқықтық мәселелер бойынша кеңес береді, мүліктік-құқықтық сипаттағы құжаттар мен актілерді ресімдеуге жәрдемдеседі, сондай-ақ маркетинг және коммерциялық қызмет бөлімімен және құқықтық, кадрлық жұмыс және мемлекеттік сатып алу секторымен құқықтық жұмыс жүргізеді.

12. Материалдарды қарайды, талап арыздарды дайындайды және мемлекеттік сатып алуға қатысты талап арыздар бойынша сотқа қатысады, сондай-ақ жеткізушілермен және Тапсырыс берушілермен наразылық жұмыстарын жүргізеді.

13. Мемлекеттік сатып алу жөніндегі шарттардың, шарттар бойынша өтінімдердің, сондай-ақ мемлекеттік сатып алу жоспарының орындалуын бақылайды және қадағалайды.

14. Конкурстық, аукциондық құжаттаманы қарайды, сондай-ақ мемлекеттік сатып алу жоспарын орындау үшін құрылымдық бөлімшелер ұсынатын техникалық ерекшелікті тексереді және қол қояды.

15. Тауарларды, жұмыстарды және көрсетілетін қызметтерді жеткізушілер шарттық міндеттемелерді орындамаған жағдайда, айыппұл санкцияларын өндіріп алу және оларды жосықсыз жеткізушілердің тізіліміне енгізу жөнінде талап - арыз жұмысын жүргізеді.

16. Белгіленген тәртіпке сәйкес қызметкерлерді тәртіптік және материалдық жауапкершілікке тарту туралы материалдарды ресімдеу.

17. ЕҚ, ҚТ, ӨҚ, және ҚС нормаларының нұсқаулықтары мен ережелерінің талаптарын сақтау.

18. Филиал басшылығының тапсырмасы бойынша өзге де әрекеттерді жүзеге асыру.

19. Филиал қызметінде туындайтын құқықтық мәселелер бойынша қорытындылар дайындауды жүзеге асырады;

20. Құқықтық мәселелерді қарау кезінде сотта, сондай-ақ мемлекеттік және қоғамдық ұйымдарда Филиал мүдделерін білдіреді, талап-арыздарды дайындауды, сот органдарында талап-арыздарды сүйемелдеуді және сот актілерінің шешімдерін орындауды жүзеге асырады;

21. Контрагенттердің Филиалға олардың заңнамаға сәйкестігіне ұсынған шарттардың жобаларын әзірлеуге (қажет болған жағдайда), жасалатын шарттарды бағалауға, олармен шарттық қатынастардың нысандарын айқындауға қатысады және шарттарға құқықтық сараптаманы жүзеге асырады;

22. Жалпы Филиалдың қызметіне қатысты әртүрлі мәселелер бойынша қызметтік тергеулер жүргізуге қатысады;

23. Рұқсат құжаттары мен оларға қосымшаларды ресімдеу және алу үшін электрондық алаңдарда жұмыс жүргізеді;

24. Филиалда сыбайлас жемқорлыққа қарсы іс-шаралар жоспарын орындау бойынша жұмыс жүргізеді;

25. Филиал қызметі бойынша құқықтық сипаттағы есептерді (ай сайынғы, тоқсандық, жылдық) жасайды;

26. Өтініштермен, арыздармен, шағымдармен және т. б. жұмыс істеуге, өтініш берушіге электрондық алаңдардың құралдары бойынша, сондай-ақ қағаз жеткізгіштерде уақтылы жөнелтуге жауапты;

27. Ғимараттарға, үй-жайларға (баланстан балансқа қою, баланстан алу, шарттарды өтеусіз негізде ресімдеу) қатысты сұраныстарды ресімдейді;

28. Филиал алдында контрагенттерде пайда болған дебиторлық берешекті қайтарады;

29. Филиалдың құқықтық сүйемелдеуіне жататын сұраныстарды, өтініштерді, ақпаратты дайындайды және ОА-ға ұсынады;

30. Филиал қызметіне рұқсат құжаттарын тұтастай және жекелеген санаттар бойынша алады (медициналық лицензия алу, оған қосымша, Филиал қызметіне рұқсат құжаттарын ресімдеу және т. б.);

31. Уәкілетті органдармен бірлесіп дәрістер, семинарлар өткізеді;

Конкурсқа қатысуға ниет білдірген азамат келесі құжаттарды қолма қол немесе курьерлік пошта арқылы ұсынуы қажет:

1) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 1-қосымшасына сәйкес нысан бойынша өтініш;

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке парақ (нақты тұрғылықты мекен-жайы мен байланыс телефондары көрсетілген);

4) лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) сыбайлас жемқорлық қылмыс жасау бойынша мәліметтердің бар-жоғы туралы анықтама (egov арқылы беріледі);

7) Конкурс Ережелерінің (Кәсіпорын сайтында, «бос жұмыс орындары» бөлігінің соңғы парақта орналастырылған) 2-қосымшасына сәйкес нысан бойынша түйіндеме.

Көрсетілген құжаттардың біреуі болмаса конкурсқа жіберуден бас тартуға негіз болып табылады. Құжаттарды курьерлік пошта арқылы алған жағдайда, олар қайтарылуға жатпайды.

Конкурсқа қатысушы өзінің біліміне қатысты қосымша ақпаратты, лауазымға қойылатын біліктілік талаптарына сәйкес жұмыс тәжірибесін растайтын құжаттарды, кәсіби деңгейін (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, алдыңғы жұмыс орнының басшылығынан ұсынымдар және т.б.) ұсынады.

Байқау келесі кезеңдерден тұрады:

1) біліктілік бағалау;

2) тестілеу;

3) сұхбаттасу өткізу;

4) конкурстың қорытындысын шығару.

Конкурсты өткізу тәртібі ҚР ДСМ СЭБК «Ұлттық сараптама орталығы» ШЖҚ РМК Басқармасының сырттай отырысының 2023 жылғы 21 қыркүйектегі № 55 шешімімен бекітілген ҚР ДСМ СЭБК «Ұлттық сараптама орталығы» ШЖҚ РМК жұмыскерлерінің бос орын лауазымдарын конкурстық орналастыру ережелерімен (ҚР ДСМ СЭБК «Ұлттық сараптама орталығы» ШЖҚ РМК сайтында орналастырылған) реттеледі.

Құжаттарды қабылдау жұмыс күндері сағат 09.00-дан 18.30-ға дейін (түскі үзіліс сағат 13.00-14.30.) Қазақстан Республикасы, Қызылорда қаласы, Х. Бектұрғанов көшесі, 10/а мекенжайы бойынша жүргізіледі.

Құжаттарды қабылдаудың аяқталуы: 2026 жыл 05 маусым, сағат 18-30.

Байланыс телефоны: 8(724) 2 23 81 73, 2406